2009勁hea台北之旅第二回 (Day 2)

話明勁hea之旅, 當然唔會俾自己咁早起身啦!  梳洗完, 出去可以食lunch啦. 揀左台北車站附近的銀座和幸食set lunch (唉...又係日本野, 鬼叫今年唔返鄉下咩~~~)

 -> 店內的裝修 -> 我的炸物set...好掛住日本既"和幸炸豬扒"

 -> 老公的set....

食飽飽, 就出發去巿政府站先......其實今日的行程真係漫無目的架@_@.  先到誠品睇下我最鍾意的日本時裝雜誌先.  呢度真係可以勁hea...因為又有書睇, 又有櫈坐喎...

 -> 就係為左呢個Crystal Ball手挽袋, 我用左900台幣買左本書....其實本書係介紹佢哋今季的款式, 我就貪圖呢個袋而敗左喺佢手上 [俾老公話我 : 究竟係買本書定買個袋?]....呢D咁既問題點駛問架

喺誠品打完書釘, 行埋去101同New York New York果邊兜個圈先.

臨去下一站之前, 去埋新光三越下面訂定"查里布朗雞蛋布丁"先...(呢幾日新光三越周年慶, 199台幣一盒咋), 我訂左兩盒第4日黎欏.

下一站.....中正紀念堂.  點解會黎D咁有文化氣息的地方?  只因為今晚會去永康街食牛肉面, 而永康街又在附近....so.................

仲要咁岩撞到下國旗的儀式 :

離開中正紀念堂都18:00多, 喺時候食晚飯了..

 -> 好掛住"佢"呀...

食完面, 散步到古亭站, 坐到台電大樓的師大夜巿了... 師大夜巿面積不算大, 但好多靚女睇到呀...老公話算係咁啦, 益佢喎

 -> 好想試呢檔滷味, 可惜太多人, 唔想排, 放棄了.

 -> 呢間生煎包都好多人幫襯(包括我), 佢係好先進用電子取票, 跟住見到號碼才取貨.  因為真係好好食, 所以掛住食無影到相.  我買左半打, 但每一個唔係好大個架咋,  所以唔係好夠喉添...

今晚21:00幾就返酒店啦, 因為明日要好早起身出發去十分呀!