晚飯@金雀餐廳 + 逛維園花巿

尋日係年宵花巿的第一天, 我唔想同人迫, 所以情願早D去.  尋晚叫老公早D放工, 一落到銅鑼灣(CWB)先去e肚.  每次到CWB我都首選去金雀食返個扒餐, 因為對佢有一份情意結

呢間餐廳大大話話我都幫襯左廿十多年, 由我細細個父母就已經常帶我來食飯.  爸媽話佢地拍拖果陣已黎架喇, 所以呢間餐廳起碼起過三十幾年以上的歷史. 之前電影"花樣年華"都曾經喺度取過景添.

店內的裝修就算好幾年前裝修過也沒有怎樣變化, 我地由其喜歡坐最入面的卡位.  今晚我地19:00前黎度當然坐到喇. 

每次黎到我絕大部份的時間都是叫"全餐".  全餐入面包括 :

 -> 餐包及餐湯 (餐包其實可以轉多士的, 而我每次都只會叫"紅"湯, 佢個紅湯有少許辣, 但好多料的, 每次都保持到一貫的水準, 讚!!

 -> 多年經典的白汁石斑 - 呢個菜只會在全餐有, 特餐無架(全餐同特餐只係相差$10, 想試的記得叫全餐).  我超喜愛食呢個, D白汁係加蛋的, 石斑炸過, 一齊食, 簡直好食到難以形容, 而家諗起都好想食

 -> 我order的主菜 - 磨菇牛柳, 7成熟,  夠晒冧呀件牛柳

 -> 老公的主菜 - 美式雜扒, 有腸仔, 牛脷, 豬扒&牛扒, 佢話都幾好 (好難見到餐牌入面有雜扒揀架)

 -> 雪糕及餐飲 - 佢可以有雪糕/啫喱揀, 記得首選要叫雪糕, 佢既雪糕夠晒冰凍, 唔知點解特別好食.  話俾大家知, 我試過21:00後黎食, 係唔駛等位, 但係佢話雪糕已沽清, 只得啫喱咋, 所以想試既就早少少去食.

全個餐都只係收$95, CWB黎講咁既價錢又咁好食, 真係好好好抵架, 起過佢好食過花X餐廳好多倍

我地20:00幾離開時, 門口已排晒隊等位喇, 星期二都咁好生意, 可想而知口碑有幾好.

是晚消費 : $209

搵食資料 : 銅鑼灣蘭芳道13-15 號地下

食飽飽出發到年宵巿場喔~~

今晚可能係第一天, 又係星期二, 所以不是太多人, 行很好輕鬆, 8, 9成既舖都開始做生意喔~ 我無咩買到嘢, 只係行下咋, 旨在感受下節日的氣氛啫.

 -> 見到有一塊燈飾版, 幾得意喎, 但點解唔多似隻牛既?  我問老公你覺得似咩, 因為一時間我諗唔到, 佢話咪似雙河馬囉...e.....又係喎.

 -> 係唔係真係似河馬呢?