難道我無資格當秘書嗎?

今日下午隔離位老細請咗我地Admin3個秘書食晏, 席間當然有講我老細的不是吧 ! 我當然多口咁問一問嗰老細臭四有冇喺佢面前講我的壞話.....當時呢個老細笑而不語, 好尷尬咁喎~ 跟住我打蛇隨棍上話"我唔會介意呢個女人講嘅野喎, 照直講喇!", 跟住就講喇~~~~ 佢覆述話....

"你老細覺得我哋Admin D秘書唔係好得, meet 唔到秘書嘅requirement." (其實我覺得我老細只係話我一個, 其他人唔關事, 可能嗰老細唔想我咁hurt啩)

跟住秘書M問 : "佢以前係舊部門有秘書架咩?"

老細答 : "無架喎"

跟住我哋幾個秘書就話佢以前無秘書, 憑咩黎話我哋唔得, meet唔到requirement?  仲覺得佢身在福中不知福, 佢其實唔entitle有秘書, 而家有仲嫌三嫌四

我自問都好盡責, 做好我本份, 問心無愧.  若果我都meet 唔到佢既requirement, 恕我直言 : 不如你調走我吧啦 若我真係無表現, 咁我之前咁多年兩個老細寫我appraisal嘅gradings咪即係錯嘅

今次臭四講嘅野我會, 唔會上心, 聽完就算, 無謂為咗一個無謂人成日攪到自己. 不過依我估計嚟緊10月佢寫我appraisal都唔方寫得好啦