拉闊音樂會 (張敬軒 x 方大同)

尋晚走咗去聽拉闊音樂會, 本來諗住同細妹好好食返一餐先去, 但因為我晏收工 (本來未走得添呀, 但我同個老細講咗趕時間一定要走, 咁佢又無問題, 所以先趕到咋). 19:15走, "打的"落灣仔, 去Oliver's 食咗個quick dinner, 就趕住入場了.

今次地點好咗好多呀, 起碼喺係會展, 唔再係Asia World Expo, 你知去博覽館幾咁遠架喇

今晚8:40開場, 我哋既飛係坐A 區(我用咗70000分+$40 handling charge先換到架~), 個位其實有D側側地, 不過都無得揀喇.. 今晚好多903 DJ同嘉賓嚟睇, 張繼聰, 謝安琪, 王菀之等等都係坐上客.

今晚佢哋唱咗兩個鐘, 仲講埋D爛gag添..不過今晚我覺得方大同係揀歌方面揀得好過軒仔, 軒仔唱新碟既歌較多, 反而大同唱多D舊碟的歌.  佢哋又有唱其他人的歌, 大同都揀得比較好, 整個concert約22:50結束了.

會展今晚的音響好好呀, 我哋好似喺D夜總會(正經果D)聽緊live band, 非常之好聽...聽出耳油添. 

我D積分到期前我用晒嚟換呢兩張飛, 嚟緊11月有Eason X Joey, 希望老豆張card可以趕得切簽夠分換飛喇