搵樓

哩幾日都忙緊搵地方搬..暫時都唔會去玩住,希望快d搵到啦...哩度既人同香港人做野真係相差十萬八千里,做地產經紀都可以平日準時5點收工,sat返半日,sun放假..大佬呀..點睇樓呀...個個好似唔休做咁..夾到時間..都只係帶你去睇一間就算,去英國前,我響hk都將層樓租左出去,香港既經紀,一日睇成幾個,sat & sun先係佢地既黃金時間,日日打來問我租左未..對比實在太大,對打工仔來講..響英國做野..簡直就爽啦..叫人換個燈泡都要等兩個星期先有人來換,人地打工就打到成個皇帝咁啦,香港人返工做到好似隻狗咁,一話經濟唔好就炒人,平日幾博幾為公司都好,一關係到公司利益時,咩都無情講,點解仲有咁多人為左公事而忽略左自己既健康,家庭,朋友呢..今日老闆出糧比你,听日就可以叫你唔使再返,OT,OT,OT,每日放響公司既時間已經夠多,係唔係一定要OT先做得完?OT先叫勤力?OT先叫做得野?工作幾時會做得完?可能最根本既工作價值已經被香港人紐轉左,大多數人都患上左工作狂症候群,大家都習慣左急同快,極少會停落來,諗一諗何謂生活質素,抖一抖,放鬆下自己.享受下人生..有D人月入幾萬,十幾萬,家住過千尺大屋,大多數時間都係工人響度住,自己可能日日都做到十一,二點先收工,黠樣享受到自己既努力成果呀?日日咁做為咩呀?心裡面一邊怪哩度既人辦事效率極底,一邊又覺得香港人其實都要學下咩叫工作與生活要平衡,anyway,希望快d搵到o岩心水既地方啦,今晚整左焗雞翼呀~味道唔錯~~發覺我廚藝愈來愈了得!!朋友們~係唔係掉哂眼鏡呢~hahahaaaa...