跳跳苦

       我冇寫錯，大家亦冇睇錯，小弟並非講迪X尼果隻跳跳虎，所以大家吾駛聯想果隻“虎”。

     一個深宵既晚上，控制室整左急病Case俾我歎，當差不多到達目的地時，就有兩名警員用電筒照向我地（示意呢度），停車後，警員就帶一男一女上車，我就問清楚警員咩料？是否同一Case？因為我地收call係“急病”，而上車既男女一d都吾似係急病，警員細細聲話：佢兩個感情糾紛，頭先佢地o係屋企嘈起上o黎，女既一時情緒激動整傷條仔隻手。

       搞清楚件事後，就如常替男子檢查傷勢，男子竟然話：「我冇事，吾係我睇係佢睇（所指佢女友）」。

女子：「冇事？你隻手流血呀！」

男子：「我流血邊個搞成架？妳頭先做緊乜？」

   見到佢倆個o係度嘈，我唯有硬頭皮搭訕：「點都好你倆位邊個睇吾緊要，不過你兩位俾身份証我登記些少資料先，之後再作決定。

當時我非常擔心佢兩位繼續僵特，點知佢兩位出奇地兼且非常順攤俾佢地既ID我， 我就慢慢抄，但寫吾夠幾句，佢倆個又黎料。

  當時女子無la la低聲哭泣，男子就忍吾住出聲：「妳喊乜野呀！」

女子：「我喊係咪吾俾呀！」

男子：「喊果個應該係我至真，邊個受傷？成40歲人，次次都係咁，今次係第幾次呀？」

當時女子係坐男子隔離，但男子o係我地面前盡訴心中情，令女子情緒再度激動，女子突然行埋我旁邊坐低，之後dup低嚎哭：「吾好講吾好再講喇！我好痛苦，嗚嗚....」

男子好似愈講愈有癮咁不停責罵咁鬧女子，見咁既環境我立即叫同事開車，務求盡早送走佢兩個。

    在途中男子因為不停去刺激女子情緒，所以同事好心出聲勸阻，引至男子不滿，仲差D想打我同事，其後我唯有打圓場 。

     幾經辛苦終於送走呢對癲鳳狂龍，大約一粒鐘多d，因為做另一轉Case關係，需要再送返同一間醫院，正當大家o係吹水之際，就見到剛才果位喊得死去話來既女子非常甜蜜地與男子手拖手跳下跳下離開醫院。

見到呢幕情境，我地三人不其然，呢對癲鳳狂龍剛才就水溝油，轉眼竟然糖癡豆，頭先就我好苦,依家就跳跳虎，真係小佢野味！好在同事冇俾男子打，如果吾係仲吾抵。