父愛

每朝同阿B返學, 我地都會坐穿巴落山. 因呢段係繁忙時間, 好多時班車都會爆, 所以我地都會好早落樓下等車.

車來了, 乘客陸續上車. 突然, 有一個男人好心急跑到龍尾, 其實當時仲有位, 班車又未開, 唔洗咁急嘛. 他坐定後, 又再上多幾個人. 結果, 班車好快就爆滿. 正當司機見到滿座後, 準備開車之際, 突然, 男人大喊:"等等, 仲有人!" 架車明明無位, 有人又點呢? 說時遲那時快, 有一個中學生在車門出現, 那個男人叫司機開門, 原來呢個學生係佢個女, 於是阿爸就讓咗自己個位比佢個女.

最初, 我地只係以為偶一為之, 但係原來唔係. 每朝早, 係每朝早! 呢個阿爸都會氣急敗壞去霸位. 上車等待女兒出現. 而呢個女唔知係咪好知時間o既珍貴, 一定會係車快開的最後一分鐘才來到. 其實阿爸落來時會同埋細女一齊(同家姐同一中學, 係靚姐姐果間), 所以我地唔明點解阿爸唔可以同兩個女一齊出門, 要咁樣幫個女霸位.

難道這就是父愛的表現嗎? 而係呢班車都有好多自己返學o既學生, 我想大多數人都在暗笑呢個阿爸, 更鄙視佢個女. 都已經係中學生, 點解仲要阿爸幫? 仲有, 阿爸咁幫佢就只有害咗佢, 比佢試下遲到, 佢咪會知要早d出門囉. 唔通第二時返工, 都要老豆幫你咩? 起床, 梳洗, 準時出門, 呢d係自我管理o既訓練, 如果唔自細培養, 結果就會好似呢個學生咁.