行路上川龍

阿B今日一早就起咗身, 於是媽咪決定同佢和查查行下山, 諗住行一陣, 點知......

我們就係沿住荃錦公路一直行呀行.

媽咪拖住查查, 阿B就做咗隨團攝影師, 專影媽咪o既背影.

行咗無幾耐, 我地竟然遇上街坊, 佢地都帶小狗行山. 呢隻小狗係波波, 見到查查好鍾意同佢玩, 不過, 查查就扮高竇, 成日左顧右盼.

波波: 點解你成日唔睬我? 我嬲你呀!

查查: 波波, 你有無野食先?

漫長漫長的荃錦公路, 就好似阿B要面對的人生路. 阿B, 加油啊!

就係我地快要抵達川龍之時, 我地經過一D村屋, 其中有一間屋門前o既狗屋, 擺放咗一隻假狗係度, 媽咪覺得好得意, 正想影相之際, 突然狗屋旁的另一間狗屋撲出了一隻真狗, 雖然隻狗用鐵鍊鎖住, 但也嚇得我地快快逃走.

走前幾步, 又有另一家的兩隻狗在向我們狂吠, 不過呢兩隻狗係鐵門後, 我地應該安全d. 但係點知其中一隻狗唔知係邊度爬出來, 向我們走過來. 來勢洶洶, 我地點算好呢? 就係呢個咁緊張o既時候, 查查發揮佢o既外交手段, 果隻惡犬不但無攻擊我地, 仲向查查擺尾, 查查仲想同佢玩. 而查查就係咁為我地化解咗一場危機. 

歷經千辛萬苦, 行咗個幾鐘, 我地終於到達川龍, 呢間就係好多人會去o既端記茶樓.不過, 因為實在太多人, 我地無係度飲茶, 只係買咗個馬拉糕充下饑就算.

回望川龍, 我地走到田地去, 這時西洋菜剛剛下苗, 遲d可以上來買菜啦.(點解阿B身後多咗個大肚腩? 其實我地去到川龍打電話比爹地, 叫佢搭車上來同我地一齊行, 等佢做下運動)

回程時, 我地走落好長o既樓梯......

阿B: 爹地, 仲有幾耐到呀?

爹地: 阿B, 你仲有幾耐先長大呀?