阿B做老師

有很多人都好想仔女繼承父母o既事業, 例如做醫生o既就成家人都係醫生, 不過媽咪一路都無咩所謂, 想阿B有自己o既方向. 阿B好細個已經話長大咗要做老師, 可能佢見到媽咪成日改簿, 有樣學樣. 但自從媽咪無再做老師後, 阿B仍一直堅持理想, 話長大咗想做老師.

明天係測考週最後一日, 考阿B最有信心o既一科--常識. 所以阿B好積極咁去溫書. 溫完書, 佢就拿出佢o既一班學生--公仔, 阿B要同佢地溫書. 佢好enjoy呢個時刻, 媽咪亦比佢係呢個時候輕鬆下(媽咪都要輕鬆下), 因為唔可以比佢玩到心散, 所以就比佢半玩半溫書, 呢D叫做寓溫習於娛樂, 愉快學習.

我地就來睇下阿B有無做老師o既潛質啦! 阿B仲有查查做佢o既助手, 好開心架!