網誌分類：親子藝術 |
圖片
網誌日期：2009-05-17 08:58
係好忙o既一個星期, 我帶o左阿B去睇一個藝術展, 算是忙裡偷閒. 呢個藝術展叫香港國際藝術展, 顧名思義, 展出o既藝術品係由世界不同地方o既藝術家創作, 有油畫, 攝影, 雕塑, 錄像, 裝置藝術等等. 今次可以來睇, 真係多謝阿Pam, 因為佢送o左張二人門票(如果現場買票要$205一位, 小童免費), 我就帶阿B見識一下. 雖然阿B之前係北京798藝術區已經見識過D藝術品, 但今次有其他國家o既藝術家參加, 應該可以睇多d野.
係會場入口處, 擺放o左一個超級大肥佬, 阿B走埋去更顯細粒.
雖然媽咪都唔係高阿B好多, 但係見到呢兩個比人搥扁o左o既人, 感覺就好似高o左d.
邊個鍾意打麻雀呢? 著住呢件衫, 一定sure win.
最後的晚餐, 點解耶穌會食魚翅,鮑魚,海參o既?
阿B, 你做咩倒瀉人地煲粥呀?
同場仲有即席示範, 呢位藝術家來自日本, 係度做緊版畫.
咦? 阿B, 你同呢家人好熟架? D風格咁似你畫果D畫o既?
阿B, 佢地似唔似查查呢?
阿B: 媽咪, 佢好恐怖, 係咪真架?
媽咪: 你睇下佢個頭插住把刀喎, 仲識講野架.
阿B: 好驚呀......
阿B雖然話好驚, 但係都要睇o左幾次都唔肯走. 睇來佢真係好鍾意睇恐怖片.
要阿B走, 唯有去畫下畫, 做番D創作.
畫完之後, 阿B就將作品釘上壁報.
呢塊唔係魔鏡, 但係就可以見到好多個阿B.
呢隻豬用o左好多張相做, 不過阿B話, D相好似四川地震死難者咁.
對唔住, 我投降啦!
邊個將毛主席張相扭埋一舊?
呢個係巨型樂器, 只要按住中間o既通電器, 就可以敲打任何一個配件, 然後樂器就會發出電子聲音. 睇阿B玩得幾投入就知幾好玩.
我地係度干甚麼? 我地就係度欣賞藝術囉.
