網誌分類：親子藝術 |
圖片
網誌日期：2009-11-18 09:31
好耐無寫blog了, 因為上上星期病了一星期後, 個人都懶哂. 
所以係時候出去呼吸吓新鮮o既空氣啦. 上星期日, 我地一家三口去咗維園, 因為呢度有渣打藝趣嘉年華, 上年我已經想來, 今年咁啱爹地放假, 所以我地就來啦.
不過, 呢一日o既天氣就唔係咁好, 下住毛毛細雨, 而且有d凍, 媽咪仲唔記得帶傘, 都幾狼狽.
唔緊要啦, 小小雨就當係磨練啦. 阿B一見到小丑即刻開心哂.
呢度有好多巨型o既公仔, 好有特色.
呢隻象仔好似無咩特別, 但係其實佢係會郁同埋噴水.
其他展品就好似大雜燴, 都係唔同地方特色o既工藝品.
日本的相樸手, 其實係可以著上身的. 呢d展品都會參加巡遊.
阿B, 你做咩要學鬍鬚叔叔呀?
呢度最吸引小朋友同家長o既地方, 就係有好多個工作坊.不過, 每個工作坊都排長龍.我地終於攞到一個整紅番帽o既攤位.
好啦, 我地睇下阿B要整D咩先.
當然, 媽咪都要落埋手. 你睇下呢度幾多人. 圍欄外面o既人龍就係排隊攞籌的.
終於大功告成啦, 你地睇吓呢個面具靚唔靚?
