親子陶瓷

停課期間, 有咩搞作? 上個禮拜係外面玩o左咁多日, 我地今個禮拜都係留係屋企.

琴日, 我地就攞o左靚姐姐係聖誕節時送o既一部陶瓷機, 做起自家陶瓷. 無錯, 呢部機係小朋友版, 但係絕對唔簡單. 我從未做過陶瓷, 有d唔知點入手.

突然, 爹地話比阿B知要點整, 好似識咁喎.媽咪呢個時候梗係等爹地同阿B來個親子陶瓷啦! 同埋可以幫阿B影下相.

睇下爹地幾落力, 阿B笑得幾開心. 呢幅相可以攞親子大獎.

小手與大手. 爹地與阿B一起做o既精心傑作.

就快得啦......哎呀! 又衰o左o添. 又重新再來過.

無幾耐, 爹地要番工, 阿B就自己做起來, 睇o下佢做到個鼻鼻同眼鏡都係陶泥.

幾經辛苦, 阿B都未能成功. 結果就由媽咪親自出馬, 先做到呢幾個似樣Do既作品. 不過, 要等佢地乾透, 先可以上色畫圖案.