D相真係幾無聊，不過咁你都睇！？

8號風球返工，走鬼咗去碼頭睇浪，原來海邊真係可以感受到風球既威力喎。不過係本人出世以來第一次做呢D咁鬼無聊既野！

呢架野都幾過引，我諗應該用電力推動既，不過邊個部門會用就真係估唔到了！

都好耐冇入PTU基地同作防暴操訓練了，估唔到一入去操就要試催淚煙，真係大整估！一見到個防毒面具(豬咀)，就硬係覺得好似鳥山明(成日嚮IQ博士漫畫中，鬼鬼鼠鼠走出黎既作者)

今年又做觀音開庫通宵更，成晚平均都keep住幾千人嚮球場排隊等入觀音財務做私人貸款，但同事們都話比前幾年少o左人排隊，可能市道好o左D人唔使借錢喇，但係我就發現到一年比一年多o左D後生仔...