情人節

昨日情人節, 我同bf跟平時一樣, 又無乜特別慶祝喎, 只係行街食飯, 大家都唔洗諗到頭痛要送什麼禮物啦, 因為好多時買咗D無謂野都係放埋一邊咋嘛, 不如一齊都唔送啦 hehehe

放工去咗美心食飯, 嘩, 乜快餐店都咁多人架?! 可能好多人都諗住情人節唔想比人略水, 所以去D快餐店、連鎖店、壽司店, 因為唔會出一D咩咩情侶餐, 又貴又唔抵食囉! 仲要有時間限制呀, 分時段呀, 真係略水唔洗本呀!  咁啱美心出左新嘢, 咩日韓兩食, 所以去試下, 不過麻麻地咋, D粉絲同雞湯都唔熱既! 個迷你盤菜都幾好既, 因為有d火熱住, 係好食好多架! 食飽行一陣街, 經過和民仲見好多人等位, 嘩, 差唔多9點都仲係人山人海, 周圍都係人

新聞話今年多人送花, 但我又唔多覺D女仔拎住花喎, 好多年前D人就興, 個個一束束咁鬥大鬥靚咁, 我以前公司有個大陸文員仲自己訂花比自己, 放係公司枱上高高位置! 因為她的男友不肯買來送比她, 所以自己訂! 其實有乜謂呢? 真係唔明解