父愛

網誌分類：無限..關心 |

網誌日期：2009-09-14 12:58

2009-09-13 (Sun)

今日先發現原來劉生對劉小姐嘅愛真係好偉大架~~~結婚咁多年未見過劉生咁嘅態度~~~但原來發生在劉小姐身上係咁明顯架~~~

話說今日家庭日去街~~~~劉小姐要求去行沙田~~~新城市附近幾個車場都冇位~~~我哋就先揾地方醫肚去到沙田某個商場嘅大家樂正當下午茶開始~~~人多擠迫咁一家人就分工合作~~~劉小姐同我先去揾位坐~~~劉生負責買食物~~~我同劉小姐揾到位後~~~我去幫手排隊等取食物~~~劉小姐就負責霸枱等我哋~~~其間有人走埋枱時劉小姐好醒就話有人~~~

當時又第二個人赤裸着上身但都算高大嘅肥佬二話不說將佢手上嘅報紙同收音機放在枱上~~~劉小姐同樣向佢說有人架~~~肥佬不但冇理佢跟着再有一女人走埋枱~~~這時我向劉小姐示意~~~所以劉小姐再向肥佬說出~~~(吾該有人架)~~~此時肥佬惡言相向目露兇光向劉小姐講~~~得啦!!我知~~~你啲人來我先行開~~我只係在枱隔離冇幾遠排隊等攞食物~~~但就有些我聽吾清嘅說話(但係好大聲)~~~此刻小朋友無奈但表現吾開心~~~劉生從另一邊拿取食物埋到枱~~~

劉生此刻回來叫肥佬向劉小姐講對唔住~~~話肥佬咁同小朋友講野會嚇親啲小朋友~~~跟住肥佬條氣唔順更問佢劉生想點~~~此時劉小姐好醒向劉生講算啦坐~~~劉生再向肥佬講吾好係度嚇親細路~~~有野就出去講~~~跟住我好氣定神閒攞住食物回來~~~但聽吾到佢兩人講咩只係見到劉生除手錶同肥佬步出去歺餐店門外~~~

大約過咗十至十五分鐘我見兩人仍然在理論中~~~我就行出去勸開二人~~~

但一心見劉生對劉小姐嘅愛錫真係甜在心裡~~~但下次亦吾須要咁勞氣~~~

引用(0)

知多一點：

共8個回應