單純的感動

昨日發生了一件好有趣的事，這件小事卻令我有很大的感動。話說昨天補完習後，我便去聯和墟的圖書館還書，入到電梯後自然地走到左後方，這時不斷有不同的人進入電梯，電梯門關上後，我便從手提袋拿出我預備要還的書，這時我不小心把一本書掉下，剛好碰到站在我前面的一位小女孩(身高只到我的腰)的腳踝，我當然立即道歉與撿起書。這個小女孩看了看我，對著我笑，我當然也跟她微笑，誰料她回頭看我好幾次後，她突然對我說︰「姐姐我叫張家倩今年六歲我想同你做個朋友你叫咩名呀?」哈哈~佢完住無停頓咁同我講ga，可以expect到佢好緊張，而佢ge舉動亦令拖住佢ge爸爸同全個電梯ge人好驚訝，我聽完之後都呆左一呆，就笑住答佢我叫amy ar，我再問下佢去邊啦，佢就答我「我去三樓玩ar，因為媽咪買送我同爸爸去三樓等媽咪，你呢？」我就答佢︰「我去圖書館ar，你中唔中意睇書ar？」跟住佢擰頭，佢爸爸呢個時候就同佢講︰「係wo，你以前好中意睇書ga wo，點解而家唔中意ar?」，佢只係擰頭同笑，呢個時候我到左二樓ge圖書館，我就同佢講︰「兒童圖書館有好多新書ar，下次你去睇下ar......我到喇，bye bye.....」佢就同我bye bye。

我出電梯到借完書踏出圖書館，我的嘴角都不自覺牽起。小朋友的單純真的很可愛，你看我們大人交一個朋友可能要用上數年的時間，但小朋友沒有機心，一分鐘便可以交一個新朋友，好簡單好直接，我可以同你講我今日感受到ge開心比一個俊男同我搭訕多十倍，因為我今日終於明白到

可 10:14-15

神真的存在，原本叫我心中疑惑困擾的事，現在已釋懷了，神一直都在肯定我的方向，是的，保留赤子之心，同時祂亦提醒我要單純如小孩子。我要信得單純，信得堅定。你看，神的答案是在生活出最合適的時刻出現。