三高一低

   湊謙謙仔真係要三高一低。( 高IQ, 高EQ, 高耐性,低同情心)。時時都要同謙謙鬥智鬥力。

瞓覺篇:

     平日可能謙謙仔瞓得太多,攪到每晚最後一餐奶食完後就不斷扭計,狂哭,我地輪流抱,又鬧又哄,兩個輪住抱下,要個多小時,佢才瞓,那時我地才可以瞓。真係救命呀,於是要腍辦法。

      大腩有一日終於都發功啦!就係放謙謙係床仔,當然謙謙係勁喊啦!!!!!我地關晒燈,好靜,唔出聲,但又會留意下佢,始終佢咁大喊,都要留意一下。 見佢喊左成15分鐘,如果唔係大腩阻止我,我己經忍唔住要去抱仔了,有時對住佢真係多d 同情心都唔得。 自己要忍心d, 但聽到d喊聲真係好可憐呀,忍忍忍......

      第一日用了大約半小時才喊到倦自己入睡,第二日再試,又喊,第二日用了15分鐘,真係成功在望啦!!!!!當然,都係時得時唔得,有次試過一放佢係床仔就瞓左。有時都係爆喊,都係要抱同埋要再食奶。有時爸爸抱就瞓,有時媽媽抱就瞓,要視乎謙謙個一晚"寵幸"邊個。 打算平日唔比佢瞓咁多,但睡魔call佢,佢真係唔會理任何人或任何事。

   好彩到現時為止,最令我地頭痛的只有臨瞓覺的扭計,其他都算ok,希望佢再大D,呢D 情況可以好D,起碼係平日佢識得玩時,我可以同佢玩,等佢瞓少D啦!!!!