無事出街

到底那句俗語是"無事出街少破財", 定"無事出街小破財"呢?

不過我呢幾日就係"無事出街多破財".

星期一到了沙田想睇攪拌機, 但sales已收工. 去西田超市買了百多元的點點綠有機食品, 準備用來做甜品.

星期二買了攪拌機.

今晚星期三, 放工去了Thomas代理的sale, 買了一架電動Percy和一盒Switch T-Travk, 兩件貨品5折後$149. 再去沙田想買矽膠蓋, 結果還是買不到(因為sales攤檔已擺完), 但在一田超市買了$299大元的食品, 包括一盒百多元的刺身(原價$228, 晚上減價至$158, 好似好抵, 我又好想食刺身, 所以就買了), 一盒美國長柄士多啤梨, 四盒智利藍草莓 ($10/盒, 大粒又幾飽滿, 有些幾甜, 好過食藍莓素呀), 還有一盒藍莓乾.

原價$49.9一盒美國長柄士多啤梨, 售貨員姨姨話夜了, 減價至$45. 一盒只有12個長柄士多啤梨, 除番開都要$3.8/隻. 雖然貴, 不過偶爾都想氹下小朋友開心.

晚飯後給智程及妹妹吃藍莓, 然後每人一顆大大的長柄士多啤梨. 長柄士多啤梨當造的時候有時會甜的, 可是今晚的卻不甜, 微酸. 幸好小朋友不介意酸的水果, 吃得好滋味.

妹妹一邊看電視, 一邊大口大口的吃 ~

好滋味呢!

雖然貴是有點貴, 但看到小朋友的滿足樣子, 偶爾"豪"一點的也值得.

Thomas代理showroom sale, 一些包裝有損壞的貨品以半價發售.

Battery-Powered Percy, 原價$199.9.

約兩年前爸爸買了一架Battery-Powered James給智程, 可是小朋友喜歡以手動火車多過電動, 火車沒跑動多少路程, 已經被智程玩壞了. 今次減價見到有兩款電動火車, 一架是Percy, 另一架是James. 本來買James有兩卡感覺上抵d, 但係屋企已經有架壞了的James, 所以買架Percy.

呢架車我會收收埋埋, 等有需要時才拎出來作為智程的禮物.

Switch T-Track: 其實只有3塊路軌組件, 原價$99.

而家智程玩Thomas已經識得自己砌有switching的路軌, 買呢個係想俾多一點變化佢. 呢盒路軌我想以"3粒星星貼紙"跟智程交換. (註: 如果智程早上起床沒有尿濕學習褲, 可以獲得"1粒星星貼紙" (其實星星貼紙只是想像的記數, 沒有實質貼紙). 可能現在是冬天, 智程早上常尿濕學習褲仔.)

兩件貨品, 半價折實後盛惠$149.

本來想介紹這盒"沒有(加添)糖份"的藍莓乾給大家作零食, $45/80g. 

Sales話呢個牌子有有糖同無糖藍莓乾, 無糖的適合糖尿病病人食用. 不過原來sales講的野真係唔好信晒. 原來呢盒"無糖藍莓乾"並非無糖, 回家睇真d成份, 原來有Maltitol, 即係唔係"無糖", 不過係Low GI, 糖尿病病人亦可食用.