貓貓搞笑事

多士篇

多士返0黎我地度之後, 除0左對人類比較暴力之外 (而家冇事啦)
對 B屎真係極大包容.. 對 B屎十分之好.. 可見得佢平時同貓相處得多, 比較喜歡貓..
B屎 fee 佢, 打佢頭仔, 鬧佢, 多士都冇作出過任何反應, 最多走開..

不過前晚.. 就發生0左0的搞笑0野..

話說.. 多士走0左去走廊0個邊.. 突然對住個廚房門好驚咁..
跳尾0的毛鬆起哂.. gut 起 patpat.. 條尾開始 fing 0下 fing 0下.. 最後仲 fee!!
我同老公都以為佢見到廚房裡面有0的咩啦.. (廚房門有少少玻璃位可以望到裡面)
走埋去.. 睇0下.. 冇0野.. calm down 佢少少.. 順便開燈睇清楚0的..
咩0野都冇!!

然後老公話.. "多士應該係見到玻璃上面.. 自己個倒影呀.."

哇哈哈哈哈哈哈哈.. 我同佢即刻係咁笑..
因為開0左廚房燈之後, 多士真係即刻冇0野, 冇再望住廚房門..
事關佢已經見唔到塊玻璃上面0既倒影啦~~~
就算見到倒影, 個倒影都會清晰好多~ 唔會淨係見到對眼同個影~

真係笑死我地啦~~~
可惜當時因為擔心佢唔知咩事, 所以冇同佢影相囉.. 哈哈哈..

=================================

B屎篇

B屎其實就唔係好多0的搞笑0野0既.. 不過佢真係好識 tum 人開心丫..
最搞笑0既, 咪就係佢成日好似人咁坐起身, 然後有時又平衡唔到.. 跌返落地囉~
(佢個樣就會好愕然, 然後望住你咁0架喇~ 哈哈哈.. 好似好尷尬咁~ )

今朝早.. 老公放0左佢地兩個出0黎.. 佢自己就走入廁所梳洗.. 我繼續訓覺咁..
老公出0黎.. 就見到多士0係個地下度玩緊 da bird
電腦搖搖欲墜.. 已經由張檯跌0左落梳化邊..

咁 B屎去0左邊呢?
佢當時已經走0左去佢好鍾意趴0既地方.. 紅白藍膠袋隔離.. 扮冇0野0係度"睇戲"!!

老公當時話鬼多士之後就放返佢入籠.. 就又行開0左
當時老公已經話.. 多士冇可能咁醒, 自己走去搵 da bird 出0黎玩0既..
轉個頭返去.. 就見到 B屎又偷0左隻 da bird 出0黎玩啦!!!

B屎真係好醒目..
其實我已經將 da bird 收埋0左.. 仲搵0野遮住唔比佢地見到..
(佢地對 da bird 真係好瘋狂)
B屎竟然留意住我收埋0係邊.. 第二日自己跳上去搵0黎玩..

真係唔知好嬲定好笑啦.. 哈哈..