Banff Gondola

呢個星期六，爺爺嫲嫲要去人地既晚宴，所以沒有來我地到。

下個星期開始，星期六早上，家姐又開始番中文學校，妹妹又會去學溜冰，都會開始忙得不可開交。

於是 Aymom 就提意呢個週末，同佢地去下 Banff……

玩下坐 Banff 好出名既 Banff Gondola。

Aymom 不嬲都好喜歡呢o的玩意。

不過雖然 Banff 距離我地住既城市好近，大約搓一小時車左右，我來了咁多年都未搭過。

連 Aymom 既媽咪同妹妹，去年來加拿大探我地既時候，都跟 Aymom 既三舅父去過。

不過咁都好，因為可以等到呢一日，成家人一齊都係第一次去 Experience。

成日都會話，有機會去搭下，一直都唔記得呢件事。

都係有一日，家姐見到類似咁既野，同 Aymom 講佢又想坐呢o的， Aymom 先又想起都可以同佢地去下。

因為妹妹都有番咁上下大喇，會記得，而且都應該會覺得好玩！

上到去山頂，風景當然係一流，是但一度，是但影張相，都係 Postcard 一樣咁靚。

當然啦！加拿大有名既 Rockies Mountain 嘛！而且， Banff 更係加拿大排第一名既旅遊 風景區。

所以，呢度一年四季，都會有好多外地既旅客，因為風景實在太無敵。

而且，一年四季，都有唔同既特色，所以幾時都係旺季！

好在 Aymom 乜都唔記得，只係記得 Aymom 既媽咪同妹妹話，上到去會好大風。

好在早有準備，因為家姐同 Aymom 都一樣咁渣，唔吹得風。

見到有條咁既山徑，可以行下、做下運動，我地當然係唔會放過呢個咁好既機會啦！

兩位小朋友表演好好，行了幾百級樓梯，都冇話累！反而係 Aymom 到尾段，有些呼吸困難，真係勁！ 不過，都堅持行到去個天文搭果度。

最後，家姐同我地影番張二人相！可算係好愉快，又特別既一日！

節錄於「鼓勵孩子100金句」：

親子溝通心法提示：在溝通中灌輸知識。

Bannf Gondola 1。

2008-09-06