側田演唱會

剛剛過左既星期六晚，我、小美、妹妹、亞圈四個人一齊去睇側田演唱會，首先我地去左Pizza Hut食晚飯，因為小美想試下個新批，味道唔錯(個咖哩醬夠味)，但係我此終都係鍾意佢之前出嗰個大蝦沙律Pizza。

入到會場後發生左件小插曲，就係妹妹同亞圈坐錯位(我都雖然係四個人去睇，但係係分兩個兩個坐，d飛係我亞頭比既，而佢係抽番嚟既，所以冇得畫位)，初初我地坐低坐，仲心諗我地都坐得好近呀，點知原來佢地攪錯左Section，最後離我地都幾遠下，不過好彩揮手都仲見得到。

話就話八點十五分開始，但係其實成八點三十五分先出場，我印象最深既係剛剛開始第一幕，一開始係睇大電視，之後突然'嘭'一聲，側田係個台度跳，真係比佢嚇左一大跳，表演嘉賓係'蘇永康'，唱左一首'越問越傷心'，仲係度賣廣告同人講佢十一月十四、十五、十六都會係呢度開演唱會，都幾好笑。

演唱會有好多都係快歌，所以現場都好high，我都覺得幾好睇，但係坐我係同小美後面嗰兩個o靚妹就真係麻煩，除左係唔係好大叫及講埋晒d冇為嘢(好多人都望去後面睇下係邊個)，我後面嗰個就成日郁踢到我張櫈(我頭頂仲成日feel到好大風，成日係度揮打氣棒)，而小美就比人打中左，真係冇乜公德心。

好多人都唔係咁鍾意'九展'呢個場，但係我又幾鍾意喎，我覺得張櫈好坐d，個位闊d，而且就算坐到最後都唔係離個台好遠好遠(相對'紅館')，仲有就係我返屋企都快d，所以唔錯唔錯。

↑ ↓我同小美以及妹妹合照，我有同亞圈影相架，不過唔係用我部機，所以要等亞圈send比我，我先有相。

↑ ↓呢兩張相係影得最清楚架啦~~~