喜悅 13-5-2007

今晚終於鼓起勇氣跟媽媽說有關我番教會的事, 我覺得應該向家人解釋同埋一齊分享呢份喜悅....

媽媽第一句回應比我預期中好, 只是隨和地問

媽媽: "番教會做d咩架?"

愛麗斯: "無呀!! 番去唱下詩歌同埋聽牧師講道咁."

愛麗斯: "媽媽, 你會唔會介意我番教會呀?"

媽媽: "唔會, 你都大個女啦, 你有你的想法同決定的."

<<真係好多謝媽媽的隨和同量解, 起初還怕會給媽媽罵一頓tim>>

愛麗斯: "媽媽, 不如下次帶你一齊返教會呀? 一齊唱下歌, 好開心架."

媽媽: "唔好啦, 我怕聽唔明呀."

<<我無強迫媽媽, 因為媽媽會接受我的信仰我已經好開心同好感恩>>

愛麗斯: 有見媽媽肯接受, 索性告訴他: "其實我已經決志信靠主耶穌啦, 但我未洗禮的"

媽媽: "你唔好咁快洗住呀, 番多段時間先啦, 唔好咁快"

還以為自己聽錯, 好感動, 真係好感動, 第一時間跟朋友仔分享, 真係一件值得開心的事.

感謝主賜給我家人的接受, 同埋教會朋友的支持.