闔家歡KL之旅- Day 2

 一覺訓醒, 我地就出發去到位於Times Square內嘅Cosmo World.

由於KL的士成日要講價, 我地今日乘搭monorail. 大家唔好以為呢個咁out嘅pose係媽咪教, 其實係佢地一叫我影相, 我自動擺gar

Cosmoworld係一個室內遊樂場, 有好激嘅大人機動遊戲, 亦都有好啱小朋友嘅玩意

入場費大約$90任玩, 當日係星期日, 不過我地差唔多包場

之前見我本旅遊書已經不斷話要玩蜜蜂, 今日終於可以夢想成真喇

小火車

昆蟲carousel

瘋狂巴士

越野飛車

碰碰車

瘋狂地玩完又玩, 已經係lunch time啦, 今日我地去左食蘇記餐室

無冷氣, 不過都唔算太熱. 呢兩碟係著名嘅炒牛河同蝦膏炒麵, 牛肉超滑, 汁又唔杰, 而蝦膏又超香, 加上價錢平, 一定要全力推介

飽到上心口, Daddy仲食埋個肉骨茶, 用料非常足, 好正!

之後返酒店訓一覺, 就開始今日重頭戲 - 夜探螢火蟲

我地參加左酒店推介的local tour, 由酒店去螢火蟲區大約個半鐘車程, 途中會帶我地去睇馬騮同食晚飯

我地就係坐呢啲小火車上山睇馬騮

我其實好驚, 大家見我面容扭曲嗎?

啲馬騮為左食, 爬上人地個頭, 好恐怖呀

大家睇下個椰青同我個頭一樣大

終於到左呢個滿佈營火蟲嘅地方, 據聞全球得巴西同KL有咋.

我地要坐住一隻船, 喺河度慢慢前進,四周圍好靜gar, 而螢火蟲就痴住晒啲樹, 喺好黑嘅環境下閃下閃下, 真係好似星星咁, 又好似聖誕樹嘅閃燈一樣...可惜係, 四周太黑, 我地唔可以開flash, 所以一張相都影唔到同大家分享呀!

你地有機會去KL, 記得去探下螢火蟲喇!