花樣午後

又一個星期日，不過因為月頭公司埋數，結果去崇拜遲左個大到。

不過，「遲到好過冇到」呢個issue永遠都係對既，因為我咁又「賺左」一個suprise。

由於人太倦本想今天放棄返教會，好彩都係返左去，原來下晝有個「WATOTO 兒童合唱團音樂會」；

負責演唱的，係一班遠道由非洲烏干達來訪既小朋友，雖然個個都黑掹掹，但睇落都幾可愛丫！

歌曲模式都係以強勁節奏既非洲味為主，加上歐美形式既編排，再加上好齊好有動感既舞蹈，

單係當睇show，其實都幾唔錯既；而小朋友落力而專注既演出，值得全場不停鼓掌。

當然，個音樂會亦有幾個來自「小朋友」既分享；點解我要強調係「小朋友」？

因為佢地經歷到個堆，唔係香港長大既小朋友可以感受到既，我聽落都覺現實太殘酷太恐怖。

有個父母雙亡、有個係「一」個父親加「八」個母親，總之一句講哂：「悽涼...」

同好多「大人」既見證一樣，越係逆境之中就越能見證到「神就是愛！」

睇佢地面上既笑容，同埋平靜既語氣出黎講見證，表現係比「大人」更加「大人」既。

願主繼續看顧佢地，讓呢班小朋友蒙主祝福快樂成長。

P.S.

係節目入面佢地逐一介紹自己，仲有講自己大個既理想；

醫生、律師、教師、飛機師...當然佢地唔係因為窮而好高騖遠，

而係佢地都想係長大後係自己國家成為領袖，幫助國民改善生活。

比起香港有一堆狂迷NDS、買衫扮靚既潮童喪仔，我諗呢D係叫：「身在福中不知福！」

↓關於佢地可以睇下呢個WEBSITE↓

http://www.watoto-hk.org/dev/