如願以償

今日天氣好好啊~! 宜遠行!

大家唔好以為我飛去邊, 查實我係去0左.......

坐船. 今日同豬爸去0左TST洗牙, 之後坐船過灣仔.

估唔到背光0既相都可以有FEEL.....

來自荷蘭的遊輪, 超大隻

而我坐0既就細細隻, 好大對比.

維港空氣都係有D煙霞

落0左船, 我地坐叮叮去太古城. 沿途見到好多未去過0既地方, 我好似大鄉里出城咁! 不過我最留意0既都係D酒店, 平時SALE都唔知正確locat響邊, 依家清楚晒~! (職業病!)

我地坐0左成大半個鐘車終於到達太古城. 只係行吉之島已經有排行, 仲掃走0左三大袋食物. 如果唔係掃平貨, 都唔會傻到拎咁多0野去大坑食飯, 之後仲要山長水遠返深井. 

一心想去呢間越南0野好耐, 今晚終於可以如願以償! 以為落0左車要行好遠先搵到, 點知依間0野離地鐵站唔係好遠. 去到要等幾張枱, 但我地都行到好攰,  響出面坐吓等吓都無妨.

一坐低就畀碟配料我地.

點菜0既時候, 越南老闆會熱切推介你食咩好. 枱枱都會sale唔同0既0野. 不過佢都好好, 見我地兩個人都唔會hard sale你食好多0野, 會提議我地叫住兩樣0野食住先, 之後唔夠先再叫.

我地叫0左呢個特色湯河, 即係越南出名0既火車頭, 我諗因為呢個名係老闆打工前果間餐廳名, 所以佢唔用呢個名啦~!

呢個湯河我真係覺得食過咁多越南餐廳以0黎係最好食0既, 牛肉好淋, 唔只有牛肉, 仲有牛根牛肚蘿蔔牛丸, 牛丸味道獨特, 個湯又夠入味, 我再加埋每枱都會供應0既魚露, 味道真係一絕!

呢個係老闆推介0既洋蔥炒蟹, meun 0既蟹製法係無呢個汁配嫁! 雖然我唔食洋蔥, 但都覺得個汁幾好味, 豬爸仲覺得成碟蟹0既精粹就係呢個汁.

老闆親自對客0既態度, 應該係最得人心0既服務. 我見隔離果枱本來柯打個湯0既, 但老闆就推介佢一個又係menu無0既製法, 就係加d大蝦落去個湯度. 佢話今日d蝦好新鮮, 如果個客唔介意貴多少少, 就叫佢試吓佢呢個製法. 個客食果陣時老闆又走去問吓佢地味道如何? 個客話個湯好甜又多蝦, 都非常滿意! 呢度只得十零張枱, 所以老闆都應付到每一枱客人, 佢咁樣做, d客又會覺得好有親切感, 我都會推介畀朋友去試吓呢~! 

至於我今日究竟買0左d乜呢? 陸續再post畀大家睇!