在家造菜

上星期在家睇電視，收看有線電視的「肥媽私房菜」，節目裡的法國廚師，弄了一款「香草燒雞」，看得我口水直流，心裡唸唸有詞，暗下決心，閒時弄一味「香草燒雞」給 英國魚 及 624 一嘗我的手勢。

星期五晚，經過大昌行凍肉櫃，見到來自美國的春雞價錢廉宜，大小合適，當機立斷，買了一隻凍雞回家，預備在星期六，大顯身手。

週末早上，買齊材料，便在廚房裡切呀切，洗呀洗，弄了一個小時，焗爐漂起的香味，直溜進屋內每一處，624在房內走出來，肌腸轆轆，苦了口臉對我說：「幾時有得食呀？我就死啦！」

得啦！開餐啦！嘩！大家快手快腳，一隻雞好快變成一堆骨頭！大家邊吃邊討論，對燒雞品評品味。我呢！所煮的菜肴受到歡迎，當然有滿足感，亦成為我下次造菜的動力來源。