不知怎好

去年畢業時, 學校有一份表格要畢業生填有關就業情況。當時我仍未找到工作, 於是填上「未找到工作」一欄。 其後, 大學方面有好幾次主動聯絡我, 了解我的最新就業及近況。 上星期某天收到大學電話, 問我有否興趣到亞洲電視當實習記者, 我當時好興奮, 一口答應。並著我於下星期一(即六月二日)與其他實習生上班。

今早往atv 途中, 感到異常緊張，致電偶像及契媽。返抵公司, 採訪主任帶我們周圍走, 了解一下公司運作及各事宜。當時採主手中的名單沒我的名字，以為是太倉促告知我上班而未有即時更新, 及後加上我的名字。

大約三小時後，亞視新聞部副總裁梁家榮在人群中找我，並命我到其辦公室。對話如下:

梁: 「你之前係咪喺度做過? 」
我: 「係。」
梁:「點解你會喺度做到intern 嘅?」
我:「學校安排, 叫我嚟呢度返工。」
梁:「我地個list 冇你個名, 唔會叫一個曾經做過的人喺度做intern。」
梁打開門道: 「你出去, 你同我即刻離開。」

我當時仍蒙在鼓裡: 「吓?!」

我執拾自己的物品便離開，在離開時, 梁一直在旁指責及質問。當時在場工作人員及記者們都被我們吸引住。

梁:「你邊間大學? 讀咩? 」
我:「浸會的傳理碩士。」
梁:「邊個叫你嚟依度?」
我:「大學就業中心的人。」
梁:「我會查呢件事, 如果發現你講大話, 我叫學校開除你學籍。」
我不知如何表情。

離開主樓時碰到一位保安道: 「你呀, 你同我認住佢個樣, 佢叫xxx, 佢唔係我地的實習同學, 唔好俾佢入嚟atv 。」
然後步行到大閘的更亭與眾保安重復以上說話。當然保安們用瞧不起我的眼神看待我。

怎算好?