波動

自從發生了事情之後，每隔一段時間情緒都會出現一些波動，原以為會好快就過去，但原來愈心急愈難控制，剛剛開始時仲可以控制到，對住任何人和事都比較自然，但係愈耐就愈辛苦，到宜家有時會唔想勉強自己，但係又覺得唔應該將情緒發出嚟，使到自已愈來愈矛盾，心情當然唔會好，影響亦愈來愈多。

可能係性格關係，每當有情緒波動時，總想一個人靜靜地處理，睇書講過話男人遇到問題解決唔到，就會走入山洞裡面，當事情想通後就會出來，而自己就正正是這種男人，唔知係想逃避定冷靜，總知就係要有一定嘅空間，揾人傾計只係想發洩一下，要解決問題就要靠自己。

近呢幾個月情況好似愈變愈壞，情緒波動愈來愈多和密，但係又未有解決方法...!