網誌分類：無聊齋Talk@Ah Dee篇 |
唔知係咪啲古人好有見地，佢哋創出嚟嘅成語永遠都好中，今週發生嘅事真係【接二連三】！
回港後第一樣就係返工冇耐嘅同事仔，終於頂唔順唔做...喇！好地地諗住重出江湖點知愈做愈激氣，仲比人冼獲金，佢嘅不滿都好明白，掉轉係我都可能會一樣咁決定，不過諗住有返個好拍擋一齊去打仗，點知咁快又回復返孤軍作戰...唉！
而第二樣就係女朋友仔要入醫院照胃，而事前做血液檢查又發現肝可能有事，照完等報告出咗，又話遲啲仲要做手術添，唔到我唔擔心...唉！
到第三樣就係好地地嘅電腦，用用吓就瓜咗柴，開住機行開去食啲嘢返嚟，轉過頭就冇哂反應，到期都通知聲吖，唔聲唔聲就死咗...唉！
希望古人講啲說話要算數，接二連三就好喇！唔好連四連五，依家唔係打緊上海麻雀，唔洗一路連落去...！
