網誌分類：無聊齋Talk@Ah Dee篇 |
圖片
網誌日期：2008-03-25 01:30
又到電影月喇！一年一度電影節開始，因為自己要去旅行所以買飛時要就住，加上之前亞洲電影節睇唔到最遙遠的距離，返到香港後一連幾日都要睇戲，可以話用盡呢次假期，電影節依家已經睇三套，包括：台灣—幫幫我愛神、英國／義大利—假自由之名、法國—Ｏ先生，好彩都冇令人失望，每套都有自己特色，兩套台灣片都係比較灰，每個人係失落之後真係要識得再次點起返身，唔好迷失自己，而套假自由之名就好現實，講出現時在歐洲的勞工問題，所以未必一定外國的月光一定圓，另一套歐洲片Ｏ先生就十分大，一個男人為逃避而比個借口去追尋真愛，其實是沉溺係性方面，都最後都係冇好結局，反而其助手故事就係一個好大的諷刺，之後仲有十套要睇，希望都好睇啦！
