食錢怪@@'l

 自從八逹通通行各交通工具食市之後...啲零錢多到洗唔晒 ...所以我盡量有得用零錢的地方都會用咗去...好似返工經常搭嘅天星小輪咁呀...明知有八逹通方便進入都唔用...而用一角幾毫畀錢入閘...有幾多零錢都會係哩度用晒佢...而天星為方便乘客...喺幾個月前轉用自動售票機取代人手收錢找錢入閘......事情就喺哩部嘢道發生喇...其實哩部機買票都幾好...自動自覺按制取代幣就可以到閘口入閘...時間都好快手...不過機器同人一樣...郁得多運作得多都會有無病...推出無幾耐就見佢經常要修理...入咗錢唔出代幣...未入完錢就話有問題holp咗係度...我仲試過兩次入咗錢取埋代幣都無找錢畀我...對上一次入咗五蚊雞照計應該要找3.3畀我...但部機只喺出咗1.2...衰在我趕時間...無去追討...咁就大那那無咗2.1喇...到了昨日事情又發生...又照常入錢取幣...但係佢竟然找小咗兩毫子畀我...仲ERROR埋添(部機顯示)...雖然係少數目...但都好唔忿氣...心諗唔可以好似上次咁豬兜架...好彩隔離有個職員喺度...我就前去同佢講"部機ERROR咗呀"...跟住佢就答"咁夠唔夠呀"...當時我唔係好明佢答乜...所以我直接同佢講"部機食咗我兩毫子呀"...可能係好少數目...佢又唔想阻我時間...就一路伸手落褲袋...一路好客氣同我講"咁呀...我畀番妳喇"......我仲以為佢會好MAN咁即場打開部機拎番個兩毫畀我添....