炎炎夏日之長隆遊-野生動物園篇(I)

天時暑熱其實唔適合咁多戶外活動嘅...不過為想見班可愛動物朋友起見...決定堅持到抵...第二天早上食埋個美味早餐出發...go go go...野生動物園我哋嚟喇...雖然開始前有場大雨歡迎我哋入場...但無損雅興...繼續進內觀賞...不負眾望大開眼界...好多動物都係第一次近距離見到咋...非常開心...不過唔知係唔係熱到好難頂 (流汗而流濕幾條手巾仔)...小妹好似唔太鍾意睇咁...諗住一心一意帶佢入嚟睇好鍾意嘅大笨象架嘛...見到後都好似無乜反應...話要睇過第樣喎...唉...不過去到兒童世界就唔同喇...見到啲遊樂設施...精神為之一震...即刻沖上前話要玩...小妹可能覺得之前睇動物只係得個睇字...無得玩好悶喇...所以嚟到就興奮不得了...玩完開心完...就撘埋架極速遊園車遊動物園後..趕住返酒店食埋個午餐..就要同長隆說聲bye bye喇..下次再見

群鶴共聚...哩度的確有好多雀

鸚鵡都有好多隻...共人影相

哩隻動物叫乜東東..開頭仲以為係食蟻獸添..但原來係叫 "馬來貘" ..哈哈..都唔知係乜..經我查過原來佢係傳說中能吃掉惡夢 (對小朋友都幾好喎)..仲係瀕臨絕種保育類嘅野生動物...不過個樣果真幾怪誕

我至愛嘅海龜都有呀...太開心喇

小白虎...好可愛呀...摸唔到大就摸細喇...啲毛好柔軟呀

仲可以同佢影番張相添呀...但失望唔可以抱住佢影囉

美猴王都駕到呀..小妹話佢個pat pat燒紅咗

金絲猴都嚟襯熱鬧

黑猩猩表現..空中飛猩

令外一隻悶悶地望住我哋...(哩班傻佬...望咩呀望...未見過靚仔呀)

我好鍾意哩張相呀...皆因pat pat有大亦有細...犀牛美股生輝...一絕呀

羊咩咩老中青都有...任你睇...任你餵...咩咩咩

袋鼠有啡亦有白...周圍跳跳跳...跳得多都倦喇...瞓下先

比起荔枝山莊...哩度嘅鴕鳥靚仔好多

有埋鴕鳥蛋...不過唔知真定假

樹熊懶洋洋在樹上休息...面上常常掛住月半彎眼睛...好可愛呀

續........