全無技巧與天份

7月14日參加咗公司難得嘅整蛋糕堂....今次已是第二次整...點解講難得...因為我和Carman只是後補得回來...公司好多人參加只抽100位幸運兒...蛋糕課有四五堂...每堂有不同蛋糕...印象中有朱古力..流沙芒果..榴槤蛋糕...而我哋整嘅就係最唔突出嘅天使蛋糕...雖然唔突出...只是白色一舊...但勝在好食過美記多多聲...哩個蛋糕對我嚟講難度分極高...相比第一次所整嘅蛋糕更加難上加難...因要用cream舖平蛋糕面很難...在完全無技巧又無天份下...無從入手...整得唔靚驚好核突...好彩最後有阿sir作修補才見得人...但味道唔錯...只是甜咗小小...哈哈

註：以下照片因本人大頭蝦忘記帶相機...導致要用手機拍下嘅超朦相...請大家見諒

我的天使蛋糕

未開始之前...首先每人派發食譜一張

今日由女導師教導..她講解得很清楚..只是我記性實在太差

才料已準備得好好...等我哋嚟開工...take action...yeah

把才料攪攪吓...做咗個內胆先

攪攪震之後..倒落焗盤...等焗

焗完..切埋餅面後變成咁樣

再一分為二

之後得助導阿sir嚟做煮糖...整脆脆...首先濕吓雙手拿一舊仔粟膠出來...睇個感覺好似好得意喎

把糖、粟膠、水全部放晒落盤...然後煮煮煮

要煮幾耐...睇下溫度計要煮到170度為止...非常非常熱...男同學搞笑到話啲蒸氣可用來蒸面喎...哈哈

煮糖其間...我嘅重要任務就係篩好啲梳打粉喇...哈哈

睇下啲糖煮得幾滾...卜卜吓

煮完倒落個耐熱盤裡

代涼後打碎

之後又攪攪震...攪cream鋪落蛋糕面...鋪得好倦呀..哈哈..中間個層放咗啲脆脆架...令蛋糕更有口感

鋪嚟鋪去都覺得唔像樣...好鬼核突...好彩最後有阿sir作修飾...變得咁平坦...咁滑溜...哈哈

鋪好後...洒啲脆脆係面

放埋miss幫手切嘅士多啤梨花花...放入雪櫃代雪10分鈡後...大功告成...美味天使蛋糕出場喇...yeah

返到屋企...小妹見有蛋糕...好雀躍好想食...但我話第二日先拿去嫲嫲屋企一齊分享喇...嘻嘻...小妹食後非常滿意我嘅作品...不停話好食喎