美羊羊。原來如廁

行開屈人記...好可愛呀...小妹見到愛不釋手...真係唔忍心唔買俾佢喇...哈哈...其實係自己鍾意唧...這支係沐浴露嚟架...有喜羊羊或美羊羊款...小妹就選咗靚靚美羊羊帶返屋企喇...唯恐入面啲沐浴露不適合小妹用...所以全倒入我們大人支沐浴露裡...再換回小妹用開嘅入去...哈哈...好大工程...攪到成手都係呀

奕彤妹2歲頭已在屋企全無包片...過咗一兩個月後就識得自動自覺疴尿尿....到現在出街街都無包片喇...而在家佢竟然識得這樣如廁...哈哈...就在我不知情下...因我正在看書...小妹同樣看書玩遊戲...不知我是否太投入...所以無為意到佢自己一個去尿尿...事後小妹走過來同我講...我疴尿呀...我仲以為佢叫我幫佢...但原來佢話我知...佢已經疴咗喎...咁我未睇下佢個尿盤囉...點解一泣尿都無嘅...就問佢喇...妳疴咗邊呀...佢話疴咗落廁所囉...睇睇周圍又無尿喎...咁我就叫佢示範俾我睇喇...原來佢疴落我哋個大人馬桶裡...哈哈...高度剛剛好上到佢...不過見佢咁樣...有啲擔心佢會唔小心掉落去點算...於是對佢講...下次要大人陪同下先使用得呀...知唔知道