林子祥演唱會

星期五睇左林子祥演唱會。事前好多人話阿LAM唱歌退步左好多，但上年慧嫻開演唱會前都有人話佢唱歌退步左，但入完場睇完，發覺慧嫻唱得好好，所以今次D人話阿LAM，我都唔係好信，橫掂一早買左飛，入場睇就知。而睇完嘅結論係佢唱歌仲係好夠氣，D高音仲係游刃有餘，把聲仲係咁POWERFUL，佢近年嘅CONCERT我全部都有睇，我聽唔出今次有退步。睇完好想問佢真係已經過60歲嗎？唯一係佢講野有少少唔夠氣，但佢唔係做棟篤笑，冇乜所謂。

個CONCERT基本上幾好睇，從聽歌嘅角度講係好正，唯一係佢今次有好多歌嘅編排同02年嘅管絃樂好類同，話晒係不同演唱會，我覺得唔適宜有咁多重覆。