身子弱

成日聽人講：財多身子弱。估唔到冇財身子都咁孱。

拖咗咁耐率之的起心肝去揾中醫.

醫師問:來睇乜呢?

我答:成日手腳凍,冇乜胃口,容易暈,又瞓得唔好.

醫師幫我把脈,跟住話:你何止只手凍,直情系冰冷.

睇完之後大概都系話我,系女人大件事嘅時候唔識得照顧好自己,好似生仔之類啦...所以搞到血氣虛.

呢樣我都認,因為一直以來我真系唔系好識得照顧好自己,飲食方面亦都冇乜特別去注意.夜晚瞓覺時成日都凍麼騰騰震，瞓極都唔識暖。

呢啲問題要長時間來醫治,今天執咗兩濟中藥,飲完之後下個禮拜繼續去睇,希望可以調理好返個身體啦,自己個身子自己唔愛邊個會愛?日日成個病貓咁系人見到都怕怕啦.

廚房入面飄來一陣陣嘅中藥味,我好驚呢種味...次次都要鼓起好大勇氣先會飲落去,因為我好怕苦...