嫌耐...嫌奈...

因為尋晚冷親（無人冚被借Ｄ意{音:椅}…傷風感冒打乞嚏…），所以打算聽日去九龍城睇中醫。諗住同Nana約定聽朝一早去啦，點知佢話…約咗＂人＂喎。仲話一早同我講咗。哦？有咩？真係無印象喎……不過唔可以怪奈奈，因為呢幾個禮拜，真係病到亞媽都係勉強認得。最大得益咪個個都話我瘦咗囉…不過呢個代價真係好大！咳到想死唔在講，仲要個人成日都好似一條浮游生物咁…飄來飄去…浮左浮右。真係好辛苦，希望中醫真係可以幫到我啦。因為我個御醫有Ｄ麻煩，唔知到幾時先可以到來為本宮診症…希望佢可以順順利利啦。

話說尋晚有個朋友打畀我，話我咁耐都無約出去。我話我病咗成個月咁滯，邊有心機去玩吖？跟住佢又話我同Nana點啦，我同Nana咪一樣囉～無咩特別喎。佢又問我地行咗幾耐喎，我話年半左右囉…朋友話止唔止呀？好似好耐咁喎。就連弱＂志＂仔（Nana）都以為我地經已兩年幾！大佬呀～我地06年先開始拍拖…何來兩年幾呀又？真係畀佢激死人，咁易記既紀念日都記錯…？信唔信罰你食炭同跪玻璃吖嗱……係咪嫌耐＝呀？即係＝嫌棄奈奈啦！

都唔知點解？個個都以為我同Nana拍咗好耐拖，連我Ｄ屋企人都係咁講。其實，真係年幾咋嘛，唔好講到我地好似老夫老妻咁先得架。　印象中既老夫老妻既感覺係好冰冷架…我唔要呢種！我既愛情係要內置恆温器架，要時刻保持熱戀架，同埋sweetsweet架。以前EX唔work所以落得分開，今次呢？Ｎana實牙實齒咁話佢要既同奈奈一樣喎！好吖～睇下再幾年後又點？？不過我相信我們的天父唔會玩我地既。『我們愛，因為神先愛！』嘛～