何韻詩 @ 威尼斯人渡假村

尋晚終於都去左威尼斯人渡假村，有何韻詩唱Live，雖然唱左唔夠一個鐘，但係都好開心，睇完何韻C就去上面個購物中心行吓，好大呀，個天花板有少少似朗豪坊咁，做到籃天白雲嘅效果，入到去你根本不知出面天日，上到去第一時間去朋友V小姐做果間舖撐下場，之後見到有其他客入黎，怕阻住佢傾左幾句就走，仲有d舖頭都未開晒，而且全部都賣貴野，行完就落返下面個賭場，嘩...一望無際，好大好Grand呀，又諗住去朋友張賭枱撐下場，點知揾極都揾唔到係邊，最後去開左張<濠會咭>，有$100可以免費玩老虎機，Win左廿幾蚊，當飲杯野都好，之後朋友T先生又話每人夾$100落賭枱玩，好！趁下熱鬧又玩吓，結果我地五個都Win左，其實都算Lucky，雖然唔係話多，但至少我地五個都人人有錢袋，不過賭錢真係唔好追，雖然我地大比數贏，只係輸左兩舖，但好多時就係因為一追開就愈來愈想贏，想追返之前輸左果d，就係咁所以會愈輸愈多， 所以我地大家都覺得心足就走喇，唔覺唔覺，我地走果時已經凌晨一點半，原來我地已經係入面逗留左五個鐘，尋晚大家都有收獲，好開心咁走，不過一樣野唔好，酒店嘅停車Full晒，只好泊街，攞車要行返好遠，係威尼斯入面行左五個鐘，出返黎又要行，真係好攰呀~~~