二至五歲小朋友唔適宜多睇電視既原因, 分為體能發展同智力發展的影響兩種, 每逢睇電視既時候, 集中力就會去左個電視度, 小朋友既眼就會定定住咁望住電視, 呢個時候既小朋友思考力會大幅減低, 因此會有叫極都唔應你既問題, 所以先好多時話, 一睇電視連老豆姓咩都答你唔到. 當然, 俾佢習慣左, 而你去打擾佢時俾佢鬧、打同發脾氣, 會養成品格問題. 其次就係節目大都唔係小朋友能夠明白既內容, 佢地睇左對智能發展冇咩好處, 另外, 身體肌肉的運動量亦因集中睇電視而減低. 無論係體能定智商, 小朋友既成長速度最快就o岩o岩係二至五歲. 缺乏身體同頭腦既活動對小朋友既成長當然係唔好. 除左近視, 近代既小朋友好多都有脊椎問題, 因為睇電視時可以十五分鐘保持同一姿勢, 脊椎同肌肉都會出現某d過鬆, 某d過緊既情況, 座姿亦通常比較隨意. 另外, 過度活躍既小朋友亦有可能係因為食物中醣分過多而運動太少而產生. 所以, 無論係對身體還是智力發展都唔好. 係唔係過左5歲就冇事呢, 當然唔係啦. 但數二至五歲最嚴重.
朋友B
小優：我頭先故意俾小梓恩睇電視，然後做o左一個實驗
。我問佢電視內容，佢果然唔係好思考得到，只係好專注咁盯實部電視。如果問是非題o既話都還好，有時佢會點頭或搖頭。但係都唔會用口答。
小優
我好多學生都係電視普及時代出生, 加埋父母都要出外搵食, 缺乏指導, 細至小二, 大至中四, 一睇電視就會出現十問九唔應既問題. 長期習慣既話, 最嚴重係會一放學返屋企咩都未做就睇電視. 可以話係缺乏自制能力, 而且會因為你阻止佢而情緒失控. 睇既時候固然係思考唔到野, 睇完個注意力要返返去重要事身上亦有一定難度. 如果你想培訓小朋友鍾意思考同愛好學習就要睇電視都要有d節制, 仲要適當加入思考既野, 好簡單, 問佢一句呢個係好人定壞人, 壞人會點等等, 好簡單但又要用腦諗用口答既問題. 當然, 可以減少睇既時間就最好, 但又唔可以完全唔俾佢睇. 拿捏中間點好重要啦.
因為至怕佢地體能智能發展得唔好之餘, 仲要俾電視控制左個生活模式就難搞...
我放上來只是給家長們參考,希望你地多加留意小朋友們的心智和體能的成長.
joi 2009-10-25 04:33
熊貓媽媽2009-10-25 09:41