網誌分類：Double A 事件簿 |
圖片
網誌日期：2009-12-13 17:15
呢篇嘢其實想寫咗好耐啦，但奈何要趕功課，所以拖到而家先寫。。。
話說之前做完姊妹之後拎咗日假，諗住同譚生上山頂行吓啦。
因為好耐冇上過去啦，但點知個日譚生話要返工，
所以就取消咗冇去到山頂，我都冇放係心到。。
點知係27號譚生話佢星期日拎咗假同我去山頂
星期日等譚生剪完頭髮，我又飲完茶，就出發啦。。。
星期日上山頂原來係好多人架，我哋買咗"杜莎夫人蠟像館"套票連埋上摩天台加一張單程飛，多謝每人每位$175，都幾貴吓啊。。。
好耐冇搭過攬車啦，不過今次冇位坐，企上去啊，但好快就到啦。。。
雖然未到12月，但成個山頂已經整到充滿聖誕氣氛啦，不過成個山頂都唔同晒啦，以前嘅信不信由你博物館冇咗，以前嘅餐廳又唔見咗，變咗好多好多餐廳同埋摩天台。。
由蠟像館出黎個天已經黑晒啦。。
上到去摩天台好好風啊，香港嘅夜景，都係由山頂望落去最靚。。
外表雖然一樣，但入面成個唔同晒嘅山頂凌宵閣。。。
原本諗住落返灣仔食飯，點知轉咗入去山頂廣場，見到Spaghetti 360，跟住就走咗入去食啦，譚生平時唔坐Out Door架， 今次又肯坐啊。。。
食完飯就搭返巴士落中環返屋企啦。。
