11月11日　Ruby & Edmond Wedding

11月11日係我嘅好朋友　Ruby　結婚之日    ~

是日我是伴娘　　～

佢呢個姨姪仔，個樣勁得意，但超級牛精 !

原來因為佢係俾菲傭湊大，所以牛精程度　令人髮指   　～

準備玩兄弟嘅工具，嘻嘻    ！

飲緊嘢嗰位係新郎嘅細佬（伴郎）．

聽新娘講，原來佢覺得自己好靚仔　　，真係各草入各眼　～

中間手指指呢個係婚宴當晚嘅司儀！

新郎之前請人做女司儀時話佢似．．．王．．．力宏．．．（呃人做司儀）！

不過佢整日好幫得手，抵讚！

新娘子當日真係好靚吖！笑容滿面　～ 佢真係笑得好甜吖！

當晚播放新人成長照時，新娘子有張中學照，只得我，Sharan 同佢，真係好榮幸！不過張相好核突兼老土，但 hold 咗好耐  　～

新娘子之前叫人幫佢作致辭，人哋梗係唔肯啦，點知佢上台時講得好好，好真摰，真係估唔到！我聽到都眼濕濕.

平時出席婚宴，我只係懷著出席晚宴嘅心情，但今次我真係覺得好開心．因為新娘子係我最好的朋友，知道佢老公真係對佢好好，佢咁幸福，真係好高興！

希望佢哋永遠開心幸福    ！