天真

４月３０日，出咗糧，又好想去食任食沙律嘅　lunch　！已經半個月無食過嘞！

最後決定自己一個人去食！

今次遲咗少少，一點三去到！

一入去就見到我最愛的青口同煙三文魚都無晒，蜆又無，八爪魚只係得返兩件！

問 waitress會唔會 refill？佢答要睇吓廚房仲有無，即係廢話！我鬼知廚房有無喎？！

於是唯有離開！行咗幾步，好失望，食唔到心頭愛，又唔知食咩好；最後又走返轉頭，心諗：可能會 refill 呢？雖則＄１０９一個　lunch　都幾貴吓，話掂做嘢咁辛苦，想食咪去食囉．．．最後，又行返入去．．．

最後，係無refill過！唔知點解今次啲沙律全部都好似貨尾咁，栗米同沙律漿都得返少少，少到要我用湯匙刮！生洋蔥又無！可能因為第日係假期，所以多咗人去食．．．

好彩今次個 main course 比較大份，先比較值回票價．

如果今次我係第一次黎食，我肯定以後唔會再幫襯！

不過我依然期待下次食佢嘅青口同煙三文魚！

不過下次一入去見到無青口同煙三文魚，我絕不會天真同傻，諗住佢哋會refill ！