紫薯紅豆冰皮月餅

決心整冰皮係因為呢2日都會食2餐中秋飯, 又會約朋友, 可以短時間內派派倒俾多d人先唔會太白費功夫。

小B四圍搵終於買倒月餅模, 而我星期五已經買定紫心番薯準備自製番薯蓉, 再夾心吉之島買o既紅豆蓉。我o係blog到搵左2個冰皮recipe。一個以杯去量, 一個量化成克。我諗住後者準d, 我無白油就用生油, 但蒸完一大輪完全唔掂掉晒即刻再用番量杯個recipe! 好彩得咋!

因為我驚穿, 又怕個模好似太大, 所以都用幾大舊粉團。但我似乎用得太多粉, d埋口位好厚下。

個月餅模都幾靚, 雖然o係金鐘買特別貴, 要$45! bloggers話上海街$25咋

好心急呀, 未雪夠就要切來睇下。嘩做倒我想要o既夾心效果bor, 又紅又紫, 好靚呀~

因為未雪夠, 個感覺同食大福無兩樣, 而且個皮好似太甜, 搶晒d餡o既味, 最慘有d位好厚, 好似粉多過饀而我一開始只係放雪櫃, 唔夠硬, 無辦法拎出去呀

咁我就放番雪箱, 今晚番來又食。由於我用密實袋包住來雪有倒汗水, 而個面又有d糕粉, 所以灘凍後個面好似有d糊....賣相差左。但口感同味道都好左, 好似街買果d

今日再update, 因為太好味, 所以將2個放番放雪櫃, 今日食唔使再灘凍, 無左賣相問題又好味, 好成功呢