網誌分類：安琪兒の遊歷 |
圖片
網誌日期：2009-11-08 02:39
結婚一週年紀念DAY 1B@南丫島
食完就開始二萬五千里長征。皆因要沿住山路行半個南丫島，目的地係榕樹灣。好快就見到天后廟。
見到佢哋，當堂多咗好多置身大自然嘅感覺。
蟹仔好得意呀。
原來唔經唔覺已經去到天虹嘅對面了。
呢個山窿好深，原來係有名嘅神風洞，當年神風敢死隊就係嚮度收埋Ｄ快艇。
陶醉於大自然中，轉眼間已經繞過咗索罟灣了。
呢個涼亭算係途中第一個可以竭下腳嘅地方，但我同Darling都好心急，無停低，繼續前進。
景色好優美。
遠眺發電廠，應該目的地在望了。
終於到咗洪聖爺灘喇，上酒店放低行裝先。Darling專登揀呢個房，從露台可以望到沙灘嫁。
事不宜遲，即刻行幾分鐘去搵阿婆買碗遠近馳名嘅阿婆豆腐花先。好滑呀。
響榕樹灣大街行咗一陣，已經入黑嚕。返到洪聖爺灣，幫襯咗酒店隔離一間有提供爐頭同食物嘅燒烤場。但其實已經好飽，只係食咗好少野．．．
跟住就係浪漫時間。我哋行左一陣沙灘，響沙上面畫左個心心，坐響入面靜靜睇返結婚當晚嘅短片，傾下計，數下星星，好快就半夜嚕。嗯，收拾心情返酒店。
呢間就係我哋住嘅浪濤軒酒店喇。
