結婚一週年紀念DAY 2@南丫島

結婚一週年紀念DAY 2@南丫島

 

第二朝一早就落沙灘玩。好少人，好似成個沙灘都係屬於我哋咁。Ｄ沙好幼，個海好藍。

 

唯一煞風景嘅係隔離嘅發電廠。

 

原來Ｄ船離岸邊好近嫁咋。

 

呢個人曬咗幾耐先曬到咁紅．．．

 

呢隻超巨型大拖網船居然會駛到咁近，好恐怖．．．

 

望住咁嘅風景，有一種遠離煩囂、心曠神怡嘅感覺。

 

萬里晴空。

 

Darling話呢個救生員好梳乎，成日就係咁望住個靚景，得果三幾個泳客。

嘆左一陣陽光與海灘，就返酒店餐廳望住海景食早餐嚕。

 

行返出榕樹灣碼頭，沿途都係一片翠綠。

 

居然有幸見到南丫島嘅消防車仔，快Ｄ影張相留念先。

 

呢個消防叔叔揸得仲型過拓海。

 

黎到Green Cottage，襯仲有時間，坐低飲杯野先。

 

呢日係星期六，好似多返Ｄ遊客。

有船埋岸喇，要走嚕。

好唔捨得呀。

 

返到中環喇。可能尋晚瞓唔慣生保床，搞到安琪兒回程係咁暈船浪呀。本來Plan咗跟住會去埋大澳，結果因為好唔舒服就取消左。Darling影緊呢張相嘅時候安琪兒仲響旁邊作緊嘔，唯有下次再去啦。

 

一週年紀念完滿結束嚕，Darling話兩週年時要同我去遠Ｄ，我心諗無所謂啦，只要同你一齊，然後一齊渡過好多個週年紀念，咁嚮邊度又有乜所謂喎。