蜜月Day5@奧地利

今日一朝早起身...我同樣食左幾件芝士雜腿三文治先出發

你睇今日天氣幾好

奧地利既茵斯布魯克...你睇奧地利既建築物同意大利有唔同架

向左走...向右走

我哋再去左<< 金屋頂 >>

再四圍行下...空氣仲好清新添

下一站我哋去左SWAROVSKI<< 施華洛世奇水晶世界 >>...你睇YES TO ALL全部都係水晶黎架...有無咁曬先

準備入場啦...唔知裡面點架呢

一入到去已經見到全世界最大粒既水晶係我面前...又真係幾大粒喎..女主人你係咪想要咁大粒呀.....我諗你...諗多左啦(影底左咪擋曾經擁有囉)

入面好大架...有好多關於水晶既作品

呢隻水母又無咁大隻先

今次黎到SWAROVSKI女主人就緊係有收獲啦...

之後我哋就去左呢間酒店食LUNCH...呢間酒店裡面有好多古董架...你睇個熨斗

雖然離開左意大利...但係D意大利粉都離開唔到我哋呀..好彩我鍾意食啫

食飽飽我哋就坐車去左第二個小國家就係(( 列支登士敦 ))

其實 列支登士敦 係 奧地利 與 瑞士 之間既一個小國家，所以坐車係必經之路

反正都黎到就緊係去行下睇下啦呢幾隻貓貓係影比CARMEN你睇架

之後繼續坐車好快就到左(( 瑞士 ))既琉森啦

黎到瑞士除左食瑞士朱古力之外...就緊係買瑞士名錶啦...我哋都總算有收獲YEAH

不過去到呢條街真係唔覺自己去左瑞士呀...大部份都係中國人...以下呢對夫婦兩隻手就係佢哋既戰利品...見唔見到白色一扎五盒係咩呀...係一扎"撈"呀...D錢有無多到咁先你睇間間店既貨都比佢哋買清乾呀...中國人的力量...勁呀

差唔多天黑我都哋都返酒店休息下...再食晚餐啦...你睇間酒店幾靚

是日晚餐：沙律..長通粉..牛肉飯..雪糕..GOOD

明天請早...食飽睡一睡先...