第四件 結婚禮物

今日一返到公司, 就見到有盒手信 - 杭州龍井茶香酥同一份禮物. 之前我已知同事Wilson去了杭州玩, 所以我知道一定係佢送比我既. 點解佢會送呢樣野比我?? 原因係之前我同另一個同事兼姊妹係Wilson面前討論, 我叫Cherry去北京出Business Trip時幫我去睇下有冇呢類囍字既剪紙買, 因為之前我係深圳買過, 平過香港. 但最後係北京見唔到, 所以冇買. 但Wilson竟然去旅行時都記得我話想要囍字既剪紙, 但其實我係要一個個用黎貼門口或裝飾房間用o個種, 而唔係呢種放左入畫框入面既. 但我都好開心, 因為佢去到旅行都重記得我.

之後我同老闆傾偈時, 我話佢知我同事送左呢個囍字既剪紙畫框比我, 佢竟然話呢o的野好平o者.... 我立即話我唔計較個價錢係幾多, 我想講o既係o個份心意, 呢o的野唔可以用錢去衡量, 物輕情意重嘛! 我老闆都認同....

畫框下面重紮住左個如意結 + 同心結