結婚用品

返完媽咪屋企食飯之後, 返屋企中途去左黃大仙, 同一個網上商店的賣家交收. 我係佢o既網上商店賣左o的結婚用品. 平過出面好多, 唔洗自己返大陸買. 一來一回其實o的錢都係度, 同埋Michael成日都話深圳危險, 唔鍾意上去. 原本都打算係金都買, 但呢度咁抵, 當然係度買啦!!

上頭當晚用既老公, 老婆拖鞋 $35 兩對 (另外重有囍字的款式, 但我覺得呢對幾得意, 所以買呢對, 我覺得呢對之後平時著都還可以) 我見金都一對賣緊$48, 最平Yahoo拍賣, $20 一對, 重要規定幾點至幾點交收, 好煩. 呢度好抵買! 又可以係MTR沿線交收.


囍字掛飾 $9/包 (一包兩個)


中size 囍字利是封 一包(6個) - $2.4 (其實個封重有o的細小凸起既囍字, 但影出黎睇唔到)


啤牌 - $8 x 5(其實出面有o的平過佢, 但我之前買過一副$7.8既UNO, o的質料差到爆, 我唔想再試, 呢度佢話佢質料好, 可以見面時拆好黎睇左OK先買)


花瓣  $7.5 x 8 (鮮紅, 紫, 粉紅, 酒紅, 玫紅, 淡酒紅, 黃, 橙)


百年好合囍字透明貼紙 $4 (用黎貼係酒店玻璃窗上面, 我其實之前係大陸買左兩個紙既用黎貼木上面, 我後來見人貼係窗度都好靚, 我覺得貼窗用膠好似方便o的, 所以買呢種)