過大禮

今日下午我就要過大禮啦!! 但因為我冇得留係屋企, 所以我今日都照常返工.

昨晚去左榮華拿兩對龍鳳餅同8個唐餅, 其實原本我買既禮卷只可以換6個裝唐餅, 但我打去hold龍鳳餅時, 順口話hold多盒6個裝唐餅, 個店員問我要唔要個禮盒, 如果唔要可以有$8.5換多一個. 我問左媽咪話其實都係用黎拜神, 環保o的, 可以唔要個盒. 又可以加多少少錢多一個唐餅食. 但結果去取餅時, 重有另一個可以選擇, 就係雞蛋糕, 如果拿散裝, 可選擇有蓮蓉或者冇. 如果冇, 又可以平少少. 我又問左媽咪話唔要蓮蓉. 結果加多左$7, 要多左一個合桃酥同五仁唐餅. 之後重要去百佳買左兩支米酒. 連埋我地之前買既海味, 紅酒放晒係Michael爸爸車上. 準備今日下午時用.

但重有一樣野要今日Michael爸爸幫忙買既 - 兩個生果籃. 然後去觀塘拿埋三籃男女家過大禮用品. Michael媽咪其實可以唔洗黎, 但佢話要襯熱鬧, 所以佢今日下午都放假. 然後下午會連埋Michael姑姐一齊飲完茶就會出發去我家了.

唔知會唔會有什麼好笑野發生呢??

Michael在我家門口等待吉時時影既相. 但就冇影到女家回禮既野, 因為我既親戚係我家樓下攞左上我屋企, Michael冇影相, 所以影唔到o的大發. 呢o的係要拿入女家既野.

我夜晚返到屋企, 再影多左少少相.

生果籃 - 裡面既生果每款有兩個, 包括金菠蘿, 火龍果, 石榴, 蘋果, 柿, 提子.

椰子, 茶葉 + 對聯 (我冇要金椰子, 因為媽咪話之後要食, 所以唔要金色)

龍鳳餅

女家上頭套裝

京果 + 扁柏

女家回禮的蓮耦