又買多樣 結婚用品

今日都幾多野完成左. 首先放左工之後買左新相機, 因為我地想換相機好耐, 終於買左, 咁去到馬爾代夫, 我同Michael就可以一人用一部相機影靚相, 唔洗爭!! 哈哈~~ 係永成買左Canon S90, 原價$3680, Sales開價$3580 + $40 (保護貼) = $3620, 送8GB SD Card, 代用電, 相機袋. 但最奇怪一樣野就係, 我地隔離 (真係隔離得好緊要), o個個人同我地一樣買呢部機, 一樣有買保護貼, 但佢要$3660. 我覺得好奇怪, 點解佢聽唔到我地個Sales同我地講$3620, 我出左門口先同Michael講, 但Michael話佢都冇留意人地要比$3660, 所以人地都可能唔知我地只係需要比$3620. 哈哈... 咁都可以平$40.





之後就係約左我地酒店既Sales傾細節, 試下成長片段CD&參觀下我地的套房, 因為我會用套房出門. 重有去左MDW攞埋原本一年半前就要取既頸錬, 點解咁講? 因為我一年半前係MDW join plan時佢o地送左條頸錬+耳環比我, 但因為我驚放咁耐會變黃, 所以我話唔攞住, 今年先去攞. 今日終於捨得去攞了.







另外去左百利買野&去結婚易換野, 有咩要換?? 就係昨日過大禮籃野裡面有包京果, 但我單手一拿出來睇既時候, 裡面o的豆竟然瀑布咁掉下, 嚇得我吖!! 立即執番晒入去. 但今朝有o的女家回禮既野唔知點用, 所以要打去問結婚易問, 多口問下, 可唔可以換過包. 佢好爽快咁話冇問題. 所以我地去百利買野, 順便換埋. 另外重係佢度買埋男女家上頭睡衣.



最後重陪埋媽咪買左BD當日早上要著既中式衫.